НҰР-СҰЛТАН. ҚазАқпарат - Елордалық «Астана» командасының 2020 жылдың ақпан айында футболдан Португалияда өтетін халықаралық «Atlantic Cup» жолдастық турниріндегі қарсыластары анықталды, деп хабарлайды ҚазАқпарат тілшісі.
«Астана» А тобында сынға түседі. Қарсыластары - Данияның «Брондбю» және «Копенгаген», «Швецияның» «Норрчепинг» командалары. Ал В тобында Данияның «Орхус», Швецияның «Хаккен» және Чехияның «Славия» клубтары шеберлік байқасады.
«Atlantic Cup» жолдастық турнирі 31 қаңтар және 8 ақпан аралығында өткізіледі.
Халықаралық турнир 2011 жылдан бері өткізіліп келеді. Бүгінгі күнге дейін тоғыз команда жеңімпаз атанып үлгерді. Олардың қатарында Данияның «Мидтьюлланн», «Копенгаген», «Орхус», Ресейдің «Зенит», «Динамо» (Мәскеу), Австрияның «Рапид Виен», «Ред Булл Зальцбург», Швецияның «Эльфсборг», Хорватияның «Риека» командалары алтыннан алқа тақты.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.