03:33, 23 Қаңтар 2013

Футбол: Оралдың «Ақжайығы» қорытынды сынақ кездесуін «Уфа» командасымен өткізеді

ОРАЛ. 23 қаңтар. ҚазАқпарат - Анталия қаласында белорус маманы Владимир Гольмактың басшылығымен жаңа маусымға дайындалып жатқан Оралдың «Ақжайығы» 24 қаңтар күні Ресейдің ұлттық футбол лигасында өнер көрсететін «Уфа» командасымен шеберлік байқасады.

«Ақжайық» футбол клубынан түскен мәліметке қарағанда, осы матчпен оралдықтардың Түркиядағы алғашқы оқу-жаттығу жиыны аяқталмақ. Бұған дейін мәскеулік «Спартактың» қосалқы құрамымен күш сынасқан «Ақжайық» 1:4 есебімен жол берді. Мұнда 89-минутта оралдықтардан Михаил Любимкин мергендік танытты. Содан кейін «Ақжайық» мәскеулік «Динамоның» қосалқы құрамынан да 0:2 есебімен жеңіліс тапты. Бұл ойында мәскеуліктер бұрыштамадан берілген допты сәтті пайдаланды әрі пенальтиден мүлт кетпеді. Керісінше оралдықтардан камерундық легионер Саджо Хаман екі мәрте қақпашымен жекпе-жек шығып, гол соға алмады.

Аймақ Батыс Қазақстан облысы Спорт

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).