деп хабарлайды «РИА «Новости» АҚШ халықаралық даму агенттігіне (ЮСАИД) сілтеме жасап.
Бұдан бұрын гаитилік өкімет орындары қаза болғандардың саны 200 мың адамға жетуі мүмкін екендігін айтқан болатын. Премьер-Министр Жан-Макс Беллерив бұдан бұрын құрбан болған 25 мың адамның денесі үйінді астынан шығарылып, жерленгенін мәлім етті.
Сенбі күні кеште жарияланған ЮСАИД есебінде зардап шеккендердің саны жән АҚШ-тың Гаитиге көмек көрсету жөніндегі қолға алған шаралары туралы статистикалық деректер келтірілген. Қаңтардың 16-ында АҚШ Мемлекеттік хатшысы Хиллари Клинтон және ЮСАИД құрамына кіретін мемлекеттік департаменттің басшысы жер сілкінісінен зардап шеккен елде болып, оның басшылығына АҚШ мүмкін болған көмектің бәрін көрсететініне сендірді.
ЮСАИД-тың бағалауынша, бүгінгі таңда Гаитидегі басты проблема тұрғындарды ауызсумен қамтамасыз ету болып отыр. Жер сілкінісіне дейін де кедейшіліктегі елді азық-түлікпен қамтамасыз ету жолға қойылған. БҰҰ Азық-түлік бағдарламасы екі миллион адамды азық-түлік тағамдарымен қамтамасыз ету үшін 279 миллион доллар қаржы бағыттауға шақыруда.
Апат аймағында 27 құтқару командасы жұмыс істеуде, құтқару жұмыстарына 1,5 мың адам және 115 үйретілген иттер қатыстырылуда.