Бұл ереуілге грек әуе диспетчерлері де қатысуда, сондықтан да бүгін елдегі барлық жергілікті және шетелдік әуе рейстері тоқтатылды немесе келесі күнге ауыстырылды, деп хабарлайды ИТАР-ТАСС агенттігі.
Қоғамдық көлік құралдары да жұмыстарын бірнеше сағатқа тоқтатып отыр, ал теміржолдар бір тәулік бойы жұмыс істемейді, теңіз кемелері де зәкірлерін тастайды. Бүгінгі ереуілге жергілікті өзін-өзі басқару органдары мен банктердің қызметкерлері де, мұғалімдер, археологтар, дәрігерлер мен журналистер де қатысуда.
Афины ақпараттық агенттігі де сәрсенбі күні жергілікті уақыт бойынша сағат 06.00-дан бейсенбі күнгі сағат 6-00-ға дейін барлық хабарларды тоқтататынын мәлім етті.
Ал Грекия парламенті қызметкерлерінің қауымдастығы да «үкіметтің қатаң үнемдеу жөніндегі шараларына наразылық білдіруші Мемлекеттік қызметкерлер кәсіподақтарының жоғары кеңесінің ереуіліне қосылып», сағат 4.00 пен 11.00-дің аралығында - 7 сағатқа жұмыстарын тоқтататындарын мәлім етті.