ОРАЛ. Наурыздың 6-сы. ҚазАқпарат /Ғайсағали Ералы/ - Батыс Қазақстан облысында Халықаралық әйелдер күніне орай шаралар кеңінен ұйымдастырылуда.
Облыстық мәдениет басқармасының бастығы Айдар Батырханов ҚазАқпарат тілшісіне мәлім еткеніндей, облыс кітапханаларында тақырыптық кештер мен кітап көрмелері ұйымдастырылса, Ғ.Құрманғалиев атындағы облыстық филармония және басқа өнер ұжымдары арнайы концерттер қойды. Облыстық тарихи-өлкетану мұражайы, театрлар, өзге де мәдениет ошақтары мерекелік шаралардан тыс қалған жоқ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).