18:23, 27 Наурыз 2009

Халықаралық театр күніне орай Батыс Қазақстан облыстық қазақ драма театрында ең ескі спектакль жаңартылып қойылмақ

ОРАЛ. Наурыздың 27-сі. ҚазАқпарат /Ғайсағали Ералы/ - Халықаралық театр күніне орай наурыздың 27-сінде Батыс Қазақстан облыстық қазақ драма театрында осындағы ең ескі спектакль ретінде өзбек драматургі Шарас Башбековтың «Шойын қатын» шығармасы жаңартылып қойылмақ.

Театр директоры Құжырғали Төлеуішевтің ҚазАқпарат тілшісіне хабарлағанындай, бұл туындыны 1993 жылы режиссер Елкен Жылқышынов (қазір марқұм) қойған еді. Сондай-ақ спектакльде алғаш ойнаған Гүлнәр Жақыпова, Мұрат Ахманов, Қазима Нұғымановалар қазір басқа жақта жүрсе, Сайлау Сембаев арамызда жоқ. Бұл жолы қойылымның бірінші бөлімінде ересек актерлер ойнаса, екіншісінде кезек жастарға беріледі. Спектакль барысында о дүниелік болған режиссер, актерлер еске алынады. Бүгінгі таңда театр репертуарында 45-ке жуық спектакль бар.
Мәдениет Аймақ
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).