ОРАЛ. 3 желтоқсан. ҚазАқпарат /Елжан Ералы/ - Бөкей ордасы ауданы Хан ордасы ауылында оба дертінен 1925 жылы мерт болған Александр Михайловтың қабіріне ескерткіш белгі орнатылды.
Обаның ошағы Бөкей даласында да ерте кезден-ақ белгілі болған. Осы қатерлі індетпен күресте талай дәрігер басын қатерге тікті. Соның бірі Саратов университетінің түлегі, пензалық Александр Иванович Михайлов еді. 1908 жылы Ордада обаға қарсы күрес жүргізу мақсатында зертхана ашылып, білікті дәрігер сонда еңбек етеді. 1925 жылы 1 сәуірде зертхана меңгерушісінің орынбасарлығына тағайындалып, уақытпен санаспастан, ауру тышқандарға тәжірибелік сынақтар жасайды. Ақыры осы дерттің тырнағына ілігіп, көз жұмады. Көп ұзамай күйеуін күткен әйелі Ольга Владимировна да қайтыс болады.
Ескерткіш белгіні Орал обаға қарсы күрес стансасы қойды. Станса бастығы, медицина ғылымдарының кандидаты Александр Гражданов алдағы жылы Ордадағы зертхана ғимаратына А.Михайловқа ескерткіш тақта орнатылатынын жеткізді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).