«2011 жылы да әлемдік біріншіліктің топ-дивизионында қалу құқығын сақтау үшін Қазақстан құрамасына бұл матчта бірнеше шайба айырыммен жеңіс қажет еді. Бірақ кезекті жеңіліс бізге бұл мақсатқа қол жеткізуге мүмкіндік берген жоқ, Қазақстан құрамасы әлем чемпионатының бірінші дивизионына қайта оралады»,- делінген федерацияның баспасөз қызметінің хабарламасында.
Бұл ойында Қазақстан жақтан Роман Старченко, Вадим Краснослободцев және Дмитрий Дударев шайбалар соқты.
Естеріңізге сала кетейік, Қазақстан құрамасы Германияда алты кездесу өткізді. Ойындардың нәтижелері: Беларусь-Қазақстан - 5:2, Қазақстан-Словакия - 1:5, Ресей-Қазақстан - 4:1, Қазақстан-АҚШ - 0:10, Қазақстан-Италия-1:2, Франция-Қазақстан-5:3.