деп хабарлайды ИТАР-ТАСС агенттігі.
«МАГАТЭ өз абыройын саясиландырудан және белгілі бір мемлекеттердің пәрменін орындаудан сақтап қала алады деп үміттенген едік. Агенттік, Иранның бейбіт мақсаттағы ядролық қызметін құқықтық тұрғыдан қарастырғаны жөн», - деп атап көрсетті өз сөзінде Иран дипломаты.
Ал Иран Парламентінің спикері Әли Лариджани өз кезегінде, МАГАТЭ баяндамасында жасалған түйіндерді «Агенттікке абырой әпермейтін жалған мәліметтер» деп атады. «Кейбір батыс елдері МАГАТЭ-нің жаңа басшысының айтқандарының негізінде, әлемдік қоғамдастықты Иранның бейбіт мақсаттағы ядролық бағдарламасына қатысты теріс пікірге итермелеуде. Бірақ та, бұл әрекеттер Иранды таңдаған жолынан қайтара алмайды», деп мәлім етті Лариджани.
МАГАТЭ-нің жаңа бас хатшысы Юкия Амано өткен бейсенбі күні Иранның ядролық бағдарламасы бойынша алғашқы баяндамасын жасаған болатын. Ол құжаттың мазмұны «Иранның МАГАТЭ-мен жете ынтымақтаспауының салдарынан, агенттік Иранның барлық ядролық материалының бейбіт мақсатта екенін растай алмайды» дегенге саяды.