14:22, 09 Қараша 2010

Ірі көлемде есірткі сатқаны үшін мүлкі тәркіленіп, он жылға сотталды

ОРАЛ. 9 қараша. ҚазАқпарат /Елжан Ералы/ - Батыс Қазақстан облыстық қылмыстық істер бойынша мамандандырылған ауданаралық сотының үкімімен В.Евлашев есірткіні ірі көлемде сақтап, сатқаны үішн ҚР ҚК 259-бабы 3-бөлімі «в» тармағына сәйкес мүлкін тәркілеумен бірге 10 жылға бас бостандығынан айрылды. Үкім заңды күшіне енгеннен кейін ол жазасын қатаң режимдегі түзету колониясында өтейтін болады.

Облыс прокуратурасының баспасөз қызметінен хабарлағанындай, тергеу барысында В.Евлашевтің заңсыз табыс табу мақсатында жалпы салмағы 8,15 грамм героинды сақтап, сатқаны анықталды. Айталық, биылғы 6 шілдеде ол полиция қызметкерлері сатып алушы ретінде қосқан «Марат» және «Қайрат» деген азаматтарға героинді қолма-қол өткізген. Есірткі сату кезінде ұсталған одан 2,2 грамм героин, кейін үйін тінткенде 2,52 грамм есірткі және табылған.

Аймақ Батыс Қазақстан облысы Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).