08:18, 01 Маусым 2010

Ірі көлемде есірткіні заңсыз сақтап, сатқан азамат сегіз жылға сотталды

ОРАЛ. Маусымның 1-і. ҚазАқпарат /Елжан Ералы/ - БҚО мамандандырылған ауданаралық сотының үкімімен есірткіні ірі көлемде сақтап, сатқаны үшін А.Елемесов ҚР ҚК 259-бабы 2-1-бөлімі, 259-бабы 1-1-бөлімі, 58-бабы 3-бөлімі бойынша сегіз жылға бас бостандығынан айрылды, үкім заңды күшіне енгеннен кейін ол жазасын қатаң тәртіптегі түзету колониясында өтейтін болады.

Облыс прокуратурасының баспасөз қызметінен ҚазАқпарат тілшісіне хабарлағанындай, А.Елемесов биылғы қаңтардың 10-ында полицейлер жіберген «Саша» деген азаматқа жалпы салмағы 0,83 грамм героинды 3 мың теңгеге сатқан, бұл ірі көлемдегі есірткі болып табылады. Ақпанның 2-сінде мекенжайын тінту кезінде А.Елемесов жатын бөлмесінде сату мақсатында емес, өзі тұтыну үшін сақтаған есірткіні көрсеткен. Мұның салмағы 1,988 грамды құрады.

Аймақ Басқа мемлекеттік органдар Батыс Қазақстан облысы Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).