АСТАНА. KAZINFORM — Ыстанбұл қаласында 23-25 қаңтар аралығында WKF каратэден 2026 жылдың алғашқы Премьер-лига санатындағы бәсекесі өтеді.
Қазақстан каратэ федерациясынан мәлім еткеніндей, айтулы додада әр салмақта әлемдік рейтингіде үздік 32 спортшы ғана сынға түседі.
Бұл жарысқа Қазақстан әдеттегідей ауқымды командамен барады.
Әйелдер (кумите):
Айшабибі Шарахан (-55 кг),
Әсел Қанай (-61 кг),
Айжан Бәкірова (-61 кг),
Дайяна Даренская (-68 кг),
Софья Берульцева ( 68 кг).
Ерлер (кумите):
Дархан Темірәлиев (-60 кг),
Жоламан Биғабыл (-60 кг),
Еркінбек Байтөреев (-67 кг),
Нұрқанат Әжіқанов (-75 кг),
Әлихан Қадырғали (-84 кг),
Диас Анарбеков ( 84 кг),
Диас Ұлбек ( 84 кг).
Ыстанбұлдағы жарыста барлығы 65 елден іріктелген 382 каратэ шебері күш сынасады. Жекпе-жектер Халықаралық каратэ федерациясының YouTube арнасы (World Karate) арқылы тікелей эфирде көрсетіледі.
Бұдан бұрын Софья Берульцеваның Мәскеу турнирінің үш дүркін чемпионы атанғанын жазған едік.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).