КӨКШЕТАУ. ҚазАқпарат - Ақмола облысы Есіл ауданының Калачи селосына қонаққа келген 4 жасар бала ұйқыға кетті. Бұл туралы аймақ ТЖД баспасөз қызметі хабарлады.
ТЖД мәліметі бойынша, 2010 жылы туылған бала Арыстан Жұмабеков Астанадан Калачидегі әжесінің үйіне келген көрінеді.
Қазанның 3-і күні түнгі сағат 22:50 шамасында өзін жайсыз сезінген бала аудандық ауруханаға жеткізілген.
Дәрігерлер балаға бірден түсініксіз этиология энцефалопатиясы деген диагноз қойып отыр. Қазіргі кезде бала дәрігерлердің бақылауына алынып, Есіл аудандық ауруханасында ем қабылдап жатыр.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.