Қарағандыда 7 жасар бала ойын алаңында көз жұмды
22:22, 11 Маусым 2019
ҚАРАҒАНДЫ. ҚазАқпарат - Қарағандыда ойын алаңында 7 жасар баланың қайтыс болуына қатысты тергеу жұмыстары басталды, деп хабарлайды ҚазАқпарат тілшісі.
11 маусымда Қарағанды қаласындағы сауда үйлерінің біріндегі ойын алаңында 7 жасар бала әткеншектен құлап, көз жұмды.
«Аталған факті бойынша ҚР ҚК-нің 306-бабы 3-бөлімі «адам өліміне әкеп соқтырған қауіпсіздік талаптарына сай келмейтін қызмет көрсету» бойынша қылмыстық іс тіркелді», - деп түсініктеме берді Қарағанды облысы ПД баспасөз қызметі.
Қазіргі уақытта қажетті сараптамалар тағайындалды. Аталмыш нысанды пайдалану жөніндегі құжаттама алынуда.