ОРАЛ. 5 желтоқсан. ҚазАқпарат - Қаратөбе ауданында жаңа малдәрігерлік зертхана пайдалануға берілді.
Шараның ашылу салтанатына қатысқан Қаратөбе ауданының әкімі Наурызбай Қарағойшин, ҚР АШМ ветеринарлық бақылау және қадағалау комитетінің Батыс Қазақстан облысы бойынша аумақтық инспекциясының бастығы Серік Қанатбаев, облыстық малдәрігерлік зертханасы директорының орынбасары Нұрсұлу Жұбаева Елбасының сындарлы саясатының арқасында елімізде жүргізілген жұмыстардың нәтижесі туралы әңгімелеп, қаратөбеліктерді үлгі жобадағы жаңа зертхананың ашылуымен құттықтады.
Мал шаруашылығымен айналысатын аудан үшін орны бөлек, маңызы зор нысанның құрылысын «Әлім» ЖШС жүргізген.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).