ЭСК мүшелері мемлекеттік қатысуы бар компанияларды қор рыногына шығару және ел тұрғындары мен жинақтау зейнетақы қорларының қаржыларын қор рыногының механизмдері арқылы ұлттық компаниялардың акционерлік капиталына тарту мәселелерін талқылады.
ҚР Премьер-Министрі Кәрім Мәсімов сонымен қатар отандық кәсіпорындардың бәсекеге қабілеттілігі мен еңбек өнімділігін арттыру мәселелері бойынша жұмыс кеңесін өткізді.
Сонымен қатар, ҚР Премьер-Министрі К.Мәсімовтің төрағалығымен Қазақстан Республикасының экономикасын жаңарту мәселелері жөніндегі Мемлекеттік комиссияның отырысы болып өтті. Оның барысында «Бизнестің жол картасы-2020» бағдарламасының «Кәсіпкерлік секторды сауықтыру» деген екінші бағыты аясындағы ұсыныстар қарастырылды.