14:29, 14 Сәуір 2009

«Қауіпсіз жол» жедел-алдын алу іс-шарасы кезінде жол полициясы күшейтілген режімде жұмыс жасамақ

ОРАЛ. Сәуірдің 14-і. ҚазАқпарат /Ғайсағали Ералы/ - Сәуірдің 20-27-сі аралығында өткізілетін «Қауіпсіз жол» республикалық жедел-алдын алу іс-шарасы кезінде жол полициясы күшейтілген режімде жұмыс жасамақ,

деп хабарлайды ҚазАқпарат тілшісі. Осы мерзімде өңірде жол-көлік оқиғаларының алдын алу бағытында рейдтік шаралар, автошаруашылық, жолаушылар ұйымы, оқу орындарында әңгіме, дәрістер ұйымдастырылатын болады. Биылғы бірінші тоқсанда БҚО-да 37 жол апаты болып, соның салдарынан 9 адам қаза тапса, 24 адам түрлі жарақат алды. Соның ішінде 24 жаяу жүргіншіні қағып кету оқиғасы тіркеліп, 1 адам көз жұмып, 19-ы жарақаттанды. Жылдамдықты шектен тыс арттыру салдарынан 7 оқиға болып, тағы бір адам өмірмен қоштасып, екеуі ауруханаға жатқызылды. Қарсы бетке шығып кету себебінен төрт адам қазаға ұшырап, үшеуі ауыр және орта дәрежелі дене жарақатын алды. Мұның бәрі жол ережесін сақтамаудың салдарынан болып отыр.
Аймақ Қоғам
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).