Бұл туралы «Химфарм» АҚ-ның бас директоры Влодзимирз Грыглеич кеше Алматыда GMP халықаралық сапа стандарты туралы бұқаралық ақпарат құралдары өкілдеріне арналған ақпараттық-білім беру семинарында айтты.
Қазақстан бұған дейін дәрі-дәрмек өндірушілерге 2014 жылы фармацевтика саласында толықтай GMP халықаралық сапа стандартынакөшуді міндеттеген болатын. В.Грыглеичтің айтуынша, Қазақстан медициналық қауіпсіздік талаптарын қатайту жағынан Ресейден, тіпті кейбір Еуропа елдерінен де алда келе жатыр. Бірқатар өндірушілер үшін бұл қолайсыз болғанымен, мұндай шаралар ең алдымен адам денсаулығын қорғауға бағытталғандықтан оны құптауға болады.
«Шымкент қаласындағы біздің зауытымыз бұған дейін 2 GMP стандартынаие болған еді. Қазірүшіншісін алу үшін арнайы комиссия жұмыс жасауда. Жалпы өндіріс орны оған 2014 жылға дейін толықтай көшетін болады», - дейді Влодзимирз Грыглевич. Оның сөзіне қарағанда, Халықаралық сапаны басқару стандарттары әмбебап және оны иелену міндетті емес. Ал, GMP халықаралық сапа стандарты фармацевтикалық салаға арналған және ол енгізу барлық өндірісші үшін міндетті стандарт болып саналады. Сондықтан АҚШ-та Халықаралық сапаны басқару стандарттары аса танымал емес. Өйткені оны сатып алуға болады. Ал, GMP стандартында өнім талапқа сәйкес келмесе өндіріс орны өз жұмысын тоқтатуға мәжбүр болады.