Қазақстан УЕФА-ның клубтық рейтингінде Швецияны өкшелеп келеді
09:21, 13 Шілде 2017
АСТАНА. ҚазАқпарат - Чемпиондар лигасының екінші іріктеу кезеңінде «Астана» Латвияның «Спартак» командасын жеңгеннен кейін Қазақстанның Еурокубоктағы қанжығасына бір ұпай түсті, деп хабарлады Sports.kz.
Жалпы алғанда, Қазақстанда 5,5 ұпай («Қайрат» пен «Ертісте» екі-екіден, «Астанада» - 1 және «Ордабасыда» - 0,5) бар. Бұл көрсеткіш 4 командаға бөлінеді, нәтижесінде Қазақстан ағымдағы маусымда 1,375 балл жинады.
Соңғы бес маусымдағы ұпайлардың жалпы саны - 15,250. Бұл нәтижемен Қазақстан УЕФА елдері рейтингінде 26-шы орынға орналасты. 25-ші орында - 15,600 балмен Швеция тұр.