КӨКШЕТАУ. ҚазАқпарат - Бүгін Көкшетау қаласында Зеренді, Сандықтау, Целиноград, Шортанды, Еңбекшілдер аудандары мен облыс орталығының ауыл шаруашылығы тауар өндірушілерінің азық-түлік жәрмеңкесі өтті.
Жәрмеңкені Ақмола облысының әкімі Сергей Кулагин аралап көріп, азық-түлік бағасы мен оның ұйымдастырылуына назар аударды.
«Восточный рынок» аумағында ұйымдастырылған жылдың соңғы ауыл шаруашылығы өнімдерінің жәрмеңкесіне жалпы құны 220,2 миллион теңгеге 517,5 тонна азық-түлік өнімі әкелінді. Оның ішінде, 156,2 тонна ет және шұжық, 18 тонна балық, 250 мың дана жұмыртқа және өзге де азық-түлік өнімі бар. Жәрмеңкеде «Қазақстанда жасалған» белгісімен сатылған азық-түліктің бағасы нарық бағасынан 15-20 пайызға арзан болды.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.