АСТАНА. ҚазАқпарат - Оқырман назарына кеше жеңіске жеткен жерлесіміз, кәсіпқой рингте атой салып жүрген ару Фируза Шарипова мен ресейлік Юлия Чернобородованың кездесуінің видеосын ұсынамыз.
Таяу Мәскеутүбінде (Ближный Подмосковье) "Балашиха" аренасында өткен бокс кешінде рингке шыққан қос былғары қолғап шебері толық 6 раунд бойы айқасты. Кездесу қорытындысы бойынша төрешілер бірауыздан жеңісті Шариповаға берді.
Айта кетейік, бұл қазақстандық боксшының спорттық мансабындағы үшінші жеңісі екендігін хабарлаған болатынбыз. Сондай-ақ, оның бұған дейін 1 жеңілісі бар.
Ербол Жанат
ЕҰУ-да журналистика мамандығы бойынша бакалавриатты және магистратураны тәмамдаған. Стамбул мемлекеттік университетінде ғылыми тағылымдамадан өткен. «Qazaqstan» ұлттық телеарнасында, "Астана ақшамы" газетінде тілші болған. 2014 жылдан бері Kazinform ХАА-да шығарушы редактор қызметін атқарып келеді.