Қазақстандық шорттрекші әлем кубогі кезеңінің қола жүлдегері атанды
23:14, 11 Ақпан 2024
АСТАНА. KAZINFORM – Қазақстандық Әділ Ғалиахметов Дрезденде (Германия) шорт-тректен әлем кубогінің бесінші кезеңінде қола жүлдегер атанды.
Спортты дамыту дирекциясының баспасөз қызметінен мәлім еткеніндей, Ә.Ғалиахметов 1 мың метр қашықтықта үздік үштікке ілікті.
Оңтүстіккореялықтар Пак Дживон мен Чан Сунву алғашқы екі орынға ие болды.
Тағы бір қазақстандық Денис Никиша 500 метр қашықтықта мәре сызығын бірінші болып қиғанымен, пенальти алып, жүлдесіз қалды.