АСТАНА. KAZINFORM - Қазақстан жасөспірімдер құрамасы таэквондодан Әлем чемпионатында жалпыкомандалық есепте екінші орын алды.
Қазақстандық спортшылар 10-14 мамыр аралығында Біріккен Араб Әмірлігінің Фуджейра қаласында өткен таеквондодан (WT) жасөспірімдер арасында әлем чемпионатында бес медаль алды.
Дүбірлі додаға 87 елден 811 спортшы қатысты. Қазақстан жасөспірімдер құрамасы жоғары нәтиже көрсетті. Ел қоржынына 2 алтын, 1 күміс және 2 қола медаль түсті. Жалпыкомандалық есепте олар екінші орынға ие болды.
Әлем чемпионатында ел құрамасынан Хамзаальпер Ромашкин (61 келі) мен Сағынғали Жантөре (65 келіден жоғары) жеңіс тұғырына көтерілді.
Ал Аятжан Әмірханов (57 келі) күміс медаль алса, Алла Цой (47 келі) мен Аида Гожалимова (51 келі) үздік үштікті түйіндеді.
Айта кетсек, таэквондодан Гран-придің финалдық кезеңі 2026 жылы Алматы қаласында өтеді.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.