ОРАЛ. Ақпанның 16-сы. ҚазАқпарат /Елжан Ералы/ - «Қазақстандық әйел-2010» тележобасына отыз үздік әйелдің арасында батысқазақстандық белгілі ақын Ақұштап Бақтыгереева қатысуда,
деп хабарлайды ҚазАқпарат тілшісі.
А.Бақтыгереева - Қазақстан Жазушылар одағы Батыс Қазақстан облыстық бөлімшесінің төрайымы, халықаралық «Алаш» сыйлығының лауреаты, көптеген кітаптардың авторы.
«Хабар» мен «Ел арнада» бір ай бойы жарнамалық роликтер көрсетіліп, сайыс наурыздың 8-інде қорытындыланбақ. Өткен жылы дауыс беруге 200 мың қазақстандық қатысып, дәрігер-гинеколог Нина Қаюпова жеңімпаз атанған болатын.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).