деп хабарлайды ҚазАқпарат.
Чемпиондар лигасын биыл бірден "плей-офф" кезеңінен бастаған алматылық футболшылар алғашқы кездесуін қыркүйектің 30-ы күні Көкшетау қаласында өткізген болатын. Бұл ойында Борис Емелиннің шәкірттері Д. Зовинец жаттықтыратын Чехияның "Спарта" командасынан 1:0 есебімен басым түсті. Онда биылғы ел чемпионатының ең үздік қорғаушысы атанған Мәдина Жанатаева ойынның 49-шы минутында өз командасына жеңіс сыйлады. Қарымта кездесу қазанның 7-сі күні Прагада өтеді. Биыл ел біріншілігінде қола жүлдегер атанған "Алма-КТЖ-БИИК" енді сырт алаңда да басым түссе, жарыстың келесі кезеңінде "Арсенал" (Англия) мен "ПАОК (Грекия) жұбының жеңімпазымен кездеседі.
Алматылық футболшылар чехиялық футболшылармен ең алғаш рет 2005 жылы кездесіп, 2:1 есебімен"Словия" командасын ұтқан еді. Одан кейін екі елдің аяқ допшылары 2007 жылы тағы 3 рет кездесіп, қазақстандықтар оның екеуінде ұтып, біреуінде ғана жеңіліс тапты. Қазақстандық қыздар осы уақытқа дейін чехиялықтармен болған 5 ойынның төртеуінде өз басымдығын танытып отыр.