«Біздің ресейлік және беларустық әріптестеріміз зауыттарының «Еуро-5» стандартына көшуі тиістігін жариялауда. Сонымен қатар аталған елдердің аумағында бұл стандартқа сәйкес келмейтін мотор майларын сатуға шектеу қойылады. Ал біздің жаңарту бағдарламамызға сәйкес, соңғы нәтиже - «Еуро-4», - деді ол.
Оның атап өтуінше, Мұнай және газ министрлігі зауыттарды жаңартудың соңғы кезеңінде «Еуро-5» стандартына көшу мүмкіндігін қарастыруы керек. «Бұл біздің ресейлік және беларустық зауыттармен бәсекелес болуымыз үшін қажет», - деді Д.Тиесов.
«ҚазМұнайГаз» өкілінің айтуына қарағанда, зауыттардың «Еуро-5» стандарттарына көшуіне мол қаржы керек әрі оның жаңару мерзімінің аяқталуын 2015 жылға дейін ұзарту қажет.