ОРАЛ. 6 желтоқсан. ҚазАқпарат - Елбасымыз Нұрсұлтан Әбішұлы Назарбаев - сөз жоқ, кемеңгер тұлға.
Бұл пікірін Орал ақпараттық технологиялар колледжінің директоры Александр Гладков білдірді.
Оның айтуынша, Президент 2009 жылғы 12 маусымда Оралға келген сапарында аталмыш білім ордасын аралаған.
«Жастар мәселесін, білім беру мәселесін терең түсінетіндігімен сол кезде мені айрықша таңғалдырды. Осы кездесу кезінде Елбасы білім жүйесін жетілдіру, экономикалық және қоғамдық жүйені модернизациялау қажеттігін баса айтты. Әлемдік стандарттар деңгейінде білім беруге ұмтылуымыз қажеттігін міндеттеді. Әсіресе, экономиканы дамытудағы жұмысшы кадрлардың талассыз рөлін шегеледі. Өзім жұмысшы кадрларын даярлайтын білім ордасының басшысы ретінде Елбасымыздың жастарға үлкен сенім артқанына тәнті болдым. Қоғамның қозғаушы күші ретіндегі жастар әрдайым Нұрсұлтан Әбішұлының сенімді қолдаушылары болып қала бермек», - деді А.Гладков.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).