КӨКШЕТАУ. ҚазАқпарат - Көкшетауда велосипед ұрлап жүргендер қолға түсіп, үстерінен қылмыстық іс қозғалды. Бұл туралы облыстық ІІД баспасөз қызметінен хабарлады.
Полицейлердің мәліметі бойынша, күдіктілер ағымдағы жылдың 1-ші маусымынан бастап, 19-шы шілдеге дейін тұрғын үй аулаларында, орталық базарда тұрған (бағасы 30 мың теңгеден жоғары) велосипедтерді ұрлап келген. Оңай олжаны арзанға сатқан.
Қазіргі кезде күдіктілер ұсталып, ұрланған заттар иелеріне қайтарылды. Сондай-ақ, оқиғаларға байланысты ҚР ҚК 188-бабының 2-бөлімі бойынша (ұрлық) қылмыстық іс қозғалып, сотқа дейінгі тергеу амалдары жүргізілуде.
Аслан Оспанов
М.Қозыбаев атындағы Солтүстік Қазақстан мемлекеттік университетінде оқыған. Мақалалары республикалық, облыстық және қалалық газеттерде жиі жарияланып келді. «Қазақстан» РТРК» акционерлік қоғамының Ақмола облыстық филиалында, «Арқа ажары» газетінде қызмет атқарды. 2014 жылдан бері «KAZINFORM» ХАА-де жұмыс істейді.