08:03, 29 Қаңтар 2013

Көктемгі су тасқынына күні бұрын қамдану қажет - Н.Ноғаев, БҚО

ОРАЛ. 29 қаңтар. ҚазАқпарат - Көктемгі су тасқынына күні бұрын қамдану қажет. Бұл туралы 28 қаңтар күні облыс активінің жиналысында өңір басшысы Нұрлан Ноғаев мәлім етті.

«Қар шығару жұмыстарына кәсіпорын, мекемелермен қатар тұрғындар да атсалысуы керек. Әркім өз ауласындағы қардан арылуы қажет. Бұрынғыдай үйімді су басса, пәтер береді екен дегенді қойған жөн. Енді олай болмайды. Қазір қар өткен жылғыдан көп емес. Дегенмен ауа райын болжаушылардың мәліметіне қарағанда, ақпан, наурыз айларында ылғалдың мол түсуі ықтимал. Сондықтан күштің бәрін тасқынның алдын алуға жұмылдыру керек», деді әкім.

Аймақ Батыс Қазақстан облысы Басқа мемлекеттік органдар Қоғам Әкім

Ғайсағали Сейтақ

1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).