ОРАЛ. ҚазАқпарат - 23 қараша күні сағат 20.00 - 22.00 шамасында Орал қаласындағы Әбілқайыр хан даңғылында белгісіз біреу оралдық тұрғынға тиесілі «Нива» автокөлігін айдап әкеткен.
Сол бойда барлық ішкі істер бөлімдеріне хабар жіберіліп, іздестіру шаралары басталды.
Ақжайық аудандық ішкі істер бөлімінен түскен мәліметке қарағанда, 24 қараша күні сағат 17.00 шамасында қолды болған автомашинаны Орал-Атырау жолының 118 километрінде Ақжайық аудандық әкімшілік полициясының қызметкерлері Сәбит Айтуаров пен Эльдар Манашев байқап, тоқтатады. Рульде отырған бұрын сотталған, оралдық Н. болып шықты. Ол бұрын да осындай қылмысты жасап, «дәніккен» екен.
Күдікті Орал қалалық ішкі істер бөліміне жеткізіліп, тергеу амалдары жүргізілуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).