Бұл тұрғын үй бағдарламасы бойынша көміршілер мен энергетиктер қаласында салынған жалға берілетн (коммуналдық) екінші үй - бұдан жарты жыл бұрын алтықабатты заманауи үйдің салынуы ұзаққа созылып кеткен еді. Жаңа қоныс иелері - кезекте тұрған зейтнеткерлер, жетімдер мен тұрмысы төмен отбасылар және мемлекеттік қызметкерлер.
«Ұлы мерекелердің қарсаңында жаңа үйлерді тапсыру игі дәстүрге айналды, - деді Б.Сағынтаев, - Мемлекет басшысының тұрғын үй бағдарламасын жүзеге асыру жөніндегі тапсырмасын орындай отырып, біз өткен жылы басталған облыс қалаларындағы барлық үйлерді тұрғыздық».