ОРАЛ. Ақпанның 17-сі. ҚазАқпарат /Елжан Ералы/ - Көп балалы аналарды әрдайым ескеріп отырған Елбасына алғысымыз шексіз, дейді БҚО-ның Бөрлі ауданында тұратын Ұлшат Қиянова,
деп хабарлайды ҚазАқпарат тілшісі.
Оның айтуынша, өзі жеті бала тәрбиелеп өсірген.
Бөрлі ауданы әкімдігінде осындай 20 анаға «Алтын алқа» мен «Күміс алқаны» тапсыру рәсімі болды. Марапатты табыс еткен аудан әкімінің орынбасары Талғат Сыдықов өзінің де он баланың бірі екенін, мұндай құрмет-қамқорлықтың көп балалы аналарға жасала беретінін атап өтті.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).