АЛМАТЫ. ҚазАқпарат – Алматыдағы «Дарабоз» ықшам ауданында қару асынып, көшеге шыққан ер адам сотталуы мүмкін. Бұл туралы Алатау ауданының прокуроры мәлім етті, деп хабарлайды ҚазАқпарат тілшісі.
Ведомство өкілінің айтуынша, ер адамның әрекеті ҚР ҚК-нің 293-бабы 3-бөлігі 2-тармағы бойынша сараланды.
«Күдікті 3-7 жылға дейін бас бостандығынан айырылуы мүмкін. Қылмыстық іс қозғалды. Іс бұзақылық бабы бойынша тергеліп жатыр. Ұсталған азаматтың қаруы тәркіленіп, заттай айғақ ретінде танылды. Қазір ол сақтау камерасына тапсырылды», - деді Алматы қаласы Алатау ауданының прокуроры Ізбасар Масақбаев.
Бұған дейін Алматыда тұрғын үйлер арасында қарумен жүрген ер адамның ұсталғаны туралы жазған болатынбыз.
Алма Мұқанова
Алма Мұқанова Т. Жүргенов атындағы өнер академиясының «Кино және Телевизия» факультетінің түлегі. Журналистика саласында 20 жылдан бері еңбек етіп келеді. Аймақтық, республикалық телеарналарда түрлі қызметтер атқарған. 2019 жылдан бері - ҚазАқпарат агенттігінің тілшісі. ҚР Журналистер одағының мүшесі.