НҰР-СҰЛТАН. ҚазАқпарат - Бүгін футболдан Премьер-лига командалары арасындағы Қазақстан чемпионатының тоғызыншы туры мәресіне жетті, деп хабарлайды ҚазАқпарат тілшісі.
Аталған турда бүгін екі ойын өткізілді. «Астана» мен «Шахтер», «Ордабасы» мен «Қайсар» командалары кездесті.
Алғашқы ойын Астана» мен «Шахтер» командалары арасында өтті. Екеуі тең дәрежеде ойын көрсетті. Алдымен «Астана» сапынан Пиерос Сотириу 62-минутта есеп ашса, 71-минутта қарағандылық футболшы Айдос Тәттібаев таразы басын теңестірді. Ойын 1:1 есебімен тең аяқталды.
Екінші кездесу «Ордабасы» мен «Қайсар» арасында болды. Кездесу барысында 25-минутта шымкенттік клуб сапынан Жоао Пауло гол соқса, екінші кезеңде «Қайсар» сапынан Артур Режиналдо таразы басын теңестірді. Ойын 1:1 еесбімен тең аяқталды.
Бұл турда «Оқжетпес» пен «Каспий» 2:2 есебімен тең түссе, «Жетісу» «Таразды» 2:0 есебімен тізе бүктірді. Аталған турдағы «Қызылжар» мен «Қайрат» арасындағы кездесу 21 қыркүйекте болады.
Әділжан Үмбет
1996 жылы Әл-Фараби атындағы Қазақ мемлекеттік ұлттық университетінің журналистика факультетін тәмамдаған. Еңбек жолын 1996 жылы Алматы қалалық «Алматы ақшамы» газетінде бастады. Одан кейін жылдарда Қорқыт ата атындағы Қызылорда мемлекеттік университетінде, «Ақмешіт ақшамы», «Сыр бойы» газеттерінде қызмет атқарып келеді.
2015-2020 жылдарда «Ақмешіт апталығы» газетінің бас редакторы болды.
Негізгі қызметімен қосып 2006-2014 жылдарда республикалық «Жас Қазақ», «Алаш айнасы» газеттерінің Қызылорда облысындағы меншікті тілшісі болып еңбек етті.
2018 жылдан бері «Kazinform» ақпарат агенттігінде Қызылорда облысындағы меншікті тілші.