АСТАНА. 17 қаңтар. ҚазАқпарат - Өткен жылы еліміздің Қаржы полициясының органдары жалған кәсіпорындардың шоттары арқылы ақшалай қаражатты қолма-қол ақшаға айналдырумен айналысқан 53 қылмыстық топтың іс-әрекетін әшкереледі.
Бұл туралы бүгін Экономикалық және сыбайлас жемқорлықпен күрес агенттігінің алқа мәжілісінде айтылды, деп хабарлады ведомствоның баспасөз қызметінен.
Заңсыз кәсіпкерлік фактілері бойынша 500-ден астам қылмыстық іс қозғалды. Олардың жалпы залалы 14 млрд. теңгені құрайды. Оның 13 млрд. теңгесі өтелді.
Оған қоса жалған кәсіпорындардың контрагенттерінен 59,1 млрд. теңге салық алынған.
Марлан Жиембай
Абай облысының Аягөз ауданында дүниеге келген. Әл-Фараби атындағы Қазақ ұлттық университетінің филология факультетін бітірген. 2005 жылдан бері "ҚазАқпарат" халықаралық ақпарат агенттігінде жұмыс істейді.