ОРАЛ. 11 қазан. ҚазАқпарат - ҚР Мемлекеттік қызмет істері агенттігінің қызмет ауқымы кеңеюіне байланысты оның аумақтық органдарына қосымша штаттар қосылды.
Осыған байланысты БҚО-да тестілеуден өткен үміткерлер әңгімелесуге келді.
ҚР Мемлекеттік қызмет істері агенттігі БҚО бойынша басқармасы бастығының орынбасары Мирболат Нұртазиннің айтуынша, орталық ведомствоға мемлекеттік органдар қызметінің тиімділігін бағалау бағытында қосымша құзыреттер берілді. Атап айтқанда, бұған мемлекеттік қызмет көрсетудің сапасын, сондай-ақ кадр қызметінің қызметкерлермен жұмысын бағалау кіреді. БҚО-ға мемлекеттік қызмет көрсету сапасын бағалау жөніндегі кеңесші-инспекторлыққа төрт, қызметкерлермен жұмысты бағалау мен мемлекеттік қызметтен өту жөніндегі кеңесшілікке бір орын беріліп отыр.
Аталмыш байқауға 32 үміткер қатысты. Олардың арасында мемлекеттік қызметте тәжірибесі бар адамдар баршылық. Сондықтан ең лайықтыларын таңдап алу да оңай емес.
Байқау қорытындысы таяуда белгілі болмақ.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).