ОРАЛ. 15 наурыз. ҚазАқпарат - Бүгін ҚР Премьер-Министрінің бірінші орынбасары - Өңірлік даму министрі Бақытжан Сағынтаев жұмыс сапарымен Батыс Қазақстан облысына келді.
Облыс әкімінің баспасөз қызметінен түскен мәліметке қарағанда, Б.Сағынтаев алдымен Орал қаласы Зачаган кентіндегі көпқабатты тұрғын үйлердің құрылысымен таныспақ.
Үкімет басшысының бірінші орынбасары сондай-ақ, өңірдегі су тасқынына қарсы дайындық барысын бақылап, бірқатар әлеуметтік, өндірістік нысандарда болады.
Облыс әкімдігінде ҚР Премьер-Министрінің бірінші орынбасары - Өңірлік даму министрінің қатысуымен өтетін кеңесте облыстың су тасқынына әзірлігі, көліктік инфрақұрылымның даму болашағы және басқа да өзекті мәселелер талқыланбақшы.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).