ОРАЛ. 19 желтоқсан. ҚазАқпарат - ҚР Премьер-Министрінің орынбасары Қырымбек Көшербаев 20 желтоқсанда жұмыс сапарымен Батыс Қазақстан облысында болмақ.
Облыс әкімінің баспасөз қызметінен түскен мәліметке қарағанда, Үкімет басшысының орынбасары Бөрлі ауданындағы Қарашығанақ мұнайгазконденсаты кенішіне ат басын бұрмақ. Ақсай қаласындағы көп қабатты тұрғын үйлер құрылысы барысымен танысып, аудан, қала жұртшылығымен кездеседі.
Ертең түс қайта Зеленов ауданындағы Янайкин ауылындағы «Кроун Батыс» ЖШС мал бордақылау кешенінде, Орал қаласы іргесіндегі ХІІІ-ХV ғасырларға жататын «Жайық» қалашығында, Жәңгір хан атындағы Батыс Қазақстан аграрлық-техникалық университетінің ғылыми зертханасында болып, мемлекеттік тұрғын үй-коммуналдық шаруашылықты жаңғырту бағдарламасына сәйкес жөнделген көп қабатты тұрғын үйлерге соғады. Премьер-Министр орынбасарының қатысуымен «Батыс Қазақстан машина жасау компаниясы» АҚ-да аталмыш кәсіпорынды дамыту мәселелері бойынша кеңес өткізілмек.
Сол күні облыс жұртшылығының қатысуымен жұмыс сапары қорытындыланбақшы.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).