ОРАЛ. ҚазАқпарат - ҚР Ұлттық банкі Батыс Қазақстан филиалында «Жедел желі» іске қосылды.
Банктер мен валюта айырбастау орындарында алыпсатарлық жағдаяттар байқалса немесе екінші деңгейдегі банктер банкоматтарының жұмысында іркілістер болса, бұл жөніндегі арыз-шағымдар «Жедел желі», яғни 8 (711-2) 50-93-28 телефоны арқылы қабылданады. АҚШ долларын сатып алу бағамы сату бағамынан 2 теңгеден және еуро 3 теңгеден асып кетпеуі тиіс.
Банк филиалы валюта бөлімінің бастығы Альбина Болатқызының айтуынша, теңге бағамының өзгеруіне байланысты қазіргі кезде банктер филиалдарына, сондай-ақ таңдау бойынша валюта айырбастау орындарына жоспардан тыс тексерулер жүргізілуде.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).