ОРАЛ. 17 қазан. ҚазАқпарат - ҚР Жер ресурстарын басқару агенттігінің төрағасы Қадырхан Отаров жұмыс сапарымен Батыс Қазақстан облысына келді.
Облыс әкімінің баспасөз қызметінен түскен мәліметке қарағанда, аталмыш агенттік төрағасы бастаған республикалық ақпараттық-насихат тобы сапарының мақсаты - Елбасы Жолдауын еңбек ұжымдарына, тұрғындарға жеткізу.
Қ.Отаров бүгін-ертең Орал қаласындағы ірі өнеркәсіп кәсіпорындарында болмақ. Атап айтқанда, ол облыс әкімі Нұрлан Ноғаевпен бірге бүгін «Оралагрореммаш» АҚ, «Желаев астық өнімдері комбинаты» АҚ-да болмақ. Сондай-ақ ертең «Батыс Қазақстан машина жасау компаниясы», «Жайықжылуқуат» АҚ, «Кублей» ЖШС, «Зенит» зауытына ат басын тіремек.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).