14:51, 16 Сәуір 2009

«Мәскеу ? Арал теңізі ? 2009» этномәдени экспедициясына қатысушылар Орал қаласында болды

ОРАЛ. Сәуірдің 16-сы. ҚазАқпарат /Ғайсағали Ералы/ - «Мәскеу – Арал теңізі – 2009» этномәдени экспедициясына қатысушылар Орал қаласында болып, оларды қала әкімі Самиғолла Оразов қабылдады.

Қала әкімінің баспасөз хатшысы Ибрагим Жүсіпқалиевтің ҚазАқпарат тілшісіне хабарлағанындай, кездесуде Ресейдің бес өңірімен шектесетін БҚО-ның тарихи орны, Арал теңізінің қазіргі жай-күйі, соған байланысты Үкімет тарапынан алынып жатқан шаралар туралы әңгіме болды. Экспедиция жетекшісі, Мәскеу қаласы экономикалық саясат және даму департаменті директорының бірінші орынбасары Алексей Пешков атап өткеніндей, экспедиция мақсаты екі елдің мәдени байланысын одан әрі дамыту, достықты нығайту болып табылады. Космонавтика күніне орай ұйымдастырылған экспедиция мүшелері Маңғыстаудағы Үстірт арқылы Аралға асып, одан соңғы нүкте Байқоңырға жетпек.
Мәдениет Аймақ Басқа мемлекеттік органдар
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).