ОРАЛ. 17 қаңтар. ҚазАқпарат - Мәжіліс депутаттары Ерсұлтан Бектұрғанов пен Жанат Жарасов кеше, 16 қаңтар күні облыстық төтенше жағдайлар департаменті құрылымдық бөлімшелері басшылығы және қызметкерлерімен кездесті.
Департаменттің баспасөз қызметінен хабарлағанындай, онда депутаттар Елбасы Н.Ә.Назарбаевтың «Қазақстан - 2050» стратегиясы - қалыптасқан мемлекеттің жаңа саяси бағыты» атты Жолдауының негізгі бағыттарын түсіндірді. Халық қалаулылары 2012 жылдың қорытындысы бойынша ішкі жалпы өнімнің көлемі жағынан Қазақстанның әлемнің алдыңғы қатарлы елу елінің құрамына кіретінін, ендігі басты мақсат - 2050 жылға дейін 30 дамыған мемлекеттің қатарына ену екендігін атап көрсетті. Депутаттар сондай-ақ Президент айтқан жаһандық он сын-қатерге де тоқталды. Содан кейін департамент қызметкерлерінің сауалдарына жауап берді.
Төтеншеліктер «Қазақстан - 2050» стратегиясы бойынша мәнді сөз сөйлеген депутаттарға ризашылықтарын білдірді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).