17:18, 09 Сәуір 2009

Мәжіліс депутаттары Елбасы Жолдауына байланысты облыс аудандарында болды

ОРАЛ. Сәуірдің 9-ы. ҚазАқпарат /Ғайсағали Ералы/ - ҚР Парламенті Мәжілісінің депутаттары Иван Чиркалин, Шавхат Өтемісов, Елена Тарасенко БҚО аудандарында болып, тұрғындармен кездесуде Елбасы Жолдауының негізгі бағыттарын түсіндіріп берді,

деп хабарлайды ҚазАқпарат тілшісі. Зеленов, Сырым, Теректі, Бөрлі аудандарында болған халық қалаулылары, әсіресе, ауыл шаруашылығы мәселелеріне баса көңіл бөлді. Биылғы көктемгі егіс, егін орағы, ауыл шаруашылығы өнімдерін өңдеу мәселелері кеңінен сөз болды. Бұл ретте өңірде бірнеше жоба жүзеге асырылуда. Қазіргі кезде тауарды сырттан тасымай, өнімді өзімізде өндіру, соған орай жаңа жұмыс орындарын ашу мәселесі өткір қойылып отыр. Осыған байланысты депутаттар мен ауыл шаруашылығы мамандары пікір алысты. Парламенттің аграрлық мәселелер бойынша комитетінің хатшысы И.Чиркалин мұндай ұсыныстардың тиісті орындарға берілетінін жеткізді.
Аймақ Жолдау Парламент
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).