ОРАЛ. 29 мамыр. ҚазАқпарат - П.Атоян атындағы стадионда медицина қызметкерлері арасында қалалық спартакиада мәреге жетті.
Оған 24 команда құрамында 1500-дей спортшы қатысты. Олар көңілді старттар, жеңіл атлетика, шағын футбол, дартс, арқан тарту, жағажай волейболы сынды спорттың алты түрінен сайысқа түсті.
Спартакиада қорытындысында жалпыкомандалық есепте БҚО кардиологиялық диспансері жеңімпаз атанса, №3 қалалық емхана - екінші, облыстық клиникалық аурухана үшінші орынды иеленді. Жеңімпаз-жүлдегерлер дипломдармен, бағалы сыйлықтармен марапатталды.
8-9 маусым күндері медицина қызметкерлерінің облыстық спартакиадасы өтеді.
БҚО денсаулық сақтау басқармасы бастығының орынбасары Ғизатолла Ләмовтің айтуынша, салауатты өмір салтын орнықтырып, спортпен айналысушылар қатарын молайтуда мұндай жарыстардың маңызы зор.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).