ОРАЛ. Желтоқсанның 1-і. ҚазАқпарат /Ғайсағали Ералы/ - Облыс әкімінің келісімімен және ҚР Денсаулық сақтау министрлігінің бұйрығымен Медициналық және фармацевтикалық қызметті бақылау комитетінің Батыс Қазақстан облысы бойынша департаментіне басшы болып Жанболат Иманғалиев тағайындалды,
деп хабарлайды ҚазАқпарат тілшісі.
Желтоқсанның 1-інде жаңа басшыны облыс әкімінің орынбасары Серік Сүлеймен департамент ұжымына таныстырды.
Жанболат Ғайнешұлы Иманғалиев 1969 жылы дүниеге келген. Білімі жоғары, Ақтөбе мемлекеттік медициналық институты педиатрия факультетінің түлегі. 1996-2004 жылдар аралығында "Облыстық балалар ауруханасы" МКҚК-да қатардағы анестезиолог- -реаниматолог болып еңбек еткен. 2004-2007 жылдары "Облыстық балалар ауруханасы" МКҚК директорының орынбасары, 2007 жылдан күні бүгінге дейін облыстық денсаулық сақтау басқармасы бастығының экономикалық мәселелер жөніндегі орынбасары болып қызмет еткен.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).