Мектепке кіріп келген ер адам қылышпен шабуыл жасап, мұғалімді өлтіріп, 4 оқушыны жаралады
17:58, 22 Қазан 2015
АСТАНА. ҚазАқпарат - Швецияның батысында Тролльхеттан қаласы мектептерінің біріне бетперде киген ер адам қылышпен шабуыл жасады. Салдарынан кем дегенде бір адам қаза тапты, деп хабарлады AP елдің билігіне сілтеме жасап.
Агенттік ақпаратынша, қаза тапқан адам - мұғалім. Тағы төрт оқушы жарақаттанды, екеуінің жағдайы ауыр.
Бетперде киген қылмыскер жараланып, ауруханаға жеткізілді деп хабарланды.
Қылмысқа итерген себептер және болған оқиға жайлы толық ақпарат әзірге белгісіз.