ОРАЛ. Тамыздың 30-ы. ҚазАқпарат /Елжан Ералы/ - Мен Қазақстан азаматы болғанымды мақтан тұтамын. Бұл туралы Оралдағы №22 «Колобок» мектепке дейінгі ұйымының қазақ тілі мұғалімі Любовь Айтасова мәлім етті, деп хабарлайды ҚазАқпарат тілшісі.
Оның айтуынша, Қазақстанда игіліктердің бәрі барлық ұлт өкілдері үшін жасалуда. Осының бәрі - Ата заңның арқасы. Өздерінің болашағын ойлаған өзге ұлт өкілдері балаларын қазақтілді балабақшаларға беруде. Мектеп қабырғасында да білім алып жүргендері аз емес. Бұл, әрине, қуантады.
«Бірнеше ұлт өкілінен құралған біздің отбасында барлық мемлекеттік мереке тойланады. Дегенмен Ата заңның орны ерекше. Басқа заңдар содан бастау алып, үнемі жетілдіріліп отырады. Біз тәуелсіз де еркін елдің азаматтарымыз. Елімізде көп ұлт өкілдерінің тату-тәтті тұрып жатқаны үшін Елбасына ризашылығымызды білдіреміз», дейді Л.Айтасова.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).