ОРАЛ. 20 наурыз. ҚазАқпарат - Батыс Қазақстан облысында Наурыз мейрамын мекеме-ұйымдар да кеңінен атап өтуде.
Облыстық қазынашылық департаментінің бөлім бастығы Фарида Арыстаналиеваның хабарлағанындай, аталмыш мекеме қызметкерлері Наурызды ұжым болып тойлады. Мерекелік шарада департамент қызметкерлері қазақ мақал-мәтелдерін айтудан, ұлттық салт-дәстүрлерді білуден сынға түсті. Сондай-ақ арқан тарту, гір тасын көтеру күштілерді айқындаса, басқалары білім-біліктерін көрсетті.
Наурыз мейрамы Ғ.Құрманғалиев атындағы облыстық филармония әртістерінің концертіне ұласты.
Осындай мереке көптеген еңбек ұжымдарында, оқу орындарында ұйымдастырылуда.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).