Л. 6 ақпан. ҚазАқпарат /Елжан Ералы/ - «Нұр Отан» ХДП БҚО филиалы қабылдау бөлмесіне келушілерді облыстық мәслихат депутаты Тұяқбай Рысбеков қабылдады.
Қазталов ауданына қарасты Сатыбалды ауылының бұрынғы тұрғыны Зай Әбужалитов аталған елді мекенде су, газ мәселесі тез шешілгенін қалайды. Бұл туралы депутат аудан әкімі Табылғали Сапаровқа арнайы хат жолдады.
Зеленов ауданындағы Янайкин ауылының тұрғыны Балжан Қарманова атаулы әлеуметтік көмекті ала алмай жүргеніне наразы болса, Ажар Ысқақова жұмысқа орналасқысы келеді. Депутат Б.Қармановаға құжаттарын жинақтап, жазбаша өтініш жазуға, ал екіншісіне еңбек биржасына тіркелуге кеңес берді.
Облыстық мәслихат депутаты Самат Оспанов та келушілердің өтініш-тілегіне мұқият құлақ түріп, нақты ақыл-кеңесін айтты. Жалпы, тұрмыстық мәселелерді алға тартушылар аз емес.
Қабылдау бөлмесінің меңгерушісі Гүлжан Мұқтарованың сөзіне қарағанда, адамға кейде дұрыс түсіндіріп, жол сілтеп жіберудің өзі ерекше әсер етеді.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).