ОРАЛ. 24 қаңтар. ҚазАқпарат /Елжан Ералы/ - Облыс әкімі Бақтықожа Ізмұхамбетов Владимир Асановты алпыс жасқа толған мерейтойына орай қабылдады.
Кезінде Мәжіліс депутаты да болған Владимир Асанов - ауыл шаруашылығы ғылымдарының докторы, ҚР жаратылыстану академиясының мүше-корреспонденті, профессор. Бүгінде Владимир Байтениязұлы - «Азық-түлік келісімшарт корпорациясы» ҰК» АҚ БҚО бойынша өкілдігінің директоры.
Облыс әкімі мерейтой иесін туған күнімен құттықтап, естелік сый тарту етті. Ауыл шаруашылығы мәселелеріне қатысты кеңінен әңгімелесіп, биылғы егін жәйіне тоқталды.
- Ауыл шаруашылығы жұмыстарын жұмылдыруға оптимистік бағытты ұстанудамыз. Қар қалың түсті, бұл да болса биылғы егіннің шығымына әсер етері сөзсіз. Егін мол болады деген үміттеміз. Жалпы, облыста әлі бірнеше жылға жететін астық қоры бар. Бұл азық-түлік қауіпсіздігін сақтауға толық мүмкіндік береді, - деді мерейтой иесі.
Ғайсағали Сейтақ
1980 жылы А. Пушкин атындағы Орал педагогикалық институтын (М. Өтемісұлы атындағы БҚУ) қазақ тілі мен әдебиеті мамандығы бойынша бітірген. Тасқала аудандық «Екпін» газетінде тілші, бөлім меңгерушісі болды. Облыстық «Орал өңірі» газетінде тілшіліктен бас редакторлыққа дейінгі жолдан өтті. «Жайық Пресс» ЖШС бас директорының бірінші орынбасары қызметін атқарды. 2000 жылдан бері Kazinform халықаралық ақпарат агенттігінің БҚО-дағы меншікті тілшісі. Қазақстан Жазушылар және Журналистер одағының мүшесі. Республикалық «Жалын» журналы белгілеген Төлеген Айбергенов атындағы сыйлықтың (1987) және спорт журналистері арасында Сейдахмет Бердіқұлов атындағы сыйлықтың лауреаты (2015). «Ерен еңбегі үшін» медалінің иегері. Халықаралық «Алаш» әдеби сыйлығының лауреаты (2024).